Thanks Maulolo for the article. Now Samoa, wake up ae soia le fiakekele . Manuia ou faiva i le lumanai

R.V.

Thank You Maulolo-- The Obvious is spoken, This Son of Samoa speak of the obvious.

Our culture has been hijacked by pride, wealth, and utter nonsense. The're is no balance whatsoever between the giver and the receiver. Our culture is to be prideful about and to have a sense of pride, not a Boastful pride. We lust after more affluence and nonsensical order. When all along it was respect for the culture as the prime foundational core.

Sons of Samoa. Rise and tell the people so. So that we live not in bondage or shame.
Balance Is Truth--- SO that this rich man and this poor man can live in freedom

You shall know the truth and the the truth shall set you free-- Jesus


Cheers to you, who burden not your fellow man-- Cheers to Sons and Daughters of Samoa for upholding firm foundations of truth in our shared culture.

Samoa Ia Muamua Le Atua-- (always)

Paulo

Dear Maulolo:

Write a Book on the Subject as soon as possible

p

When I grew up in Samoa in the 60s, I was my grandfather's ava (tugase) carrier to the villeage fono every Monday. I sat outside behind his corner post (pou) the whole time during the meeting to do his feau at the same time observed and listen to what was going on in the fale during the ava and the meeting. Everything were very simple and straight forward from all these old matais with no college degrees. If lucky, they had paanunu and koko, kopai or koko alaisa for breakfast. At the same time the aualuma are meeting across the malae discussing things the women need to do to help the villeage. During funerals, the family gives and expected nothing back. The fine mats were sacret and hard to come around because they were the finest and the best; not the trash we are seen today flooding the streets. Sometimes the villeage received from the family with the faalavelave two pusa apa elegi lapopoa and a big pig. I had seen the matai dish out the apa elegi and maio to all the families in the villeage. For each faifeau (three in our villeage) alaga for the LMS faifeau, alaga for the Pope faifeau and two elegi for the Mamoga faifeau. Ivi malosi tuala for the Sao and the other side for the Matua, alaga for the villeage orator and the other for another important tulafale. That is it, nothing more and all the villeagers go home happy. This was always the case in all the faalavelave I had seen in my villeage and my itu malo; very simple and straigh forward. Turning the clock to 2008, I just don't recognize the faa-Samoa going on now in Samoa and worse off in USA, don't know if it is the same in NZ and AUS. Money is driven everything plus the pride and dishonesty of some of the matais is killing our lovely culture and the real faaSamoa, which is build on Alofa, faaaloalo and most of all Le Atua. Our new culture now is all about power, gain and glory. If you don't believe me, go to Samoa or just look around. Most of the matais are living good lives and faifeaus owns hotels, cattles, horses and all kind of material things. MOST of the families these matais and faifeau supposed to serve and watch over are poor and living from day to day...some are treated like slaves with a threat to be kicked out of the family or the villeage if they fail to come up with the saoga mea!!! Not all matais or faifeau are bad but the majority are. Now is the time to help bring back the real FaaSamoa!

I am very impressed with the Samoan Studies inquiries being done at the National University of Samoa. It is really thought-provoking and is challenging Samoan culture and society - as is the age-old role of Academia. I totally agree that books should be written on this subject. The NUS is certainly becoming the centre of Samoan Studies in the world (as it should be).

thought engaging, thought understanding, thought realization

realize that in 100 years, we can be extinct without stop gaps of assured understanding
the issue is we are human made with thoughts that are selfish
and for every matai out there that does not see this as a major problem, it will one day eventuate a greater
downfall of a culture built on harmony and not on things

we have to be careful of our appetites for more or we lose the purpose of fa'asamoa

Paulo

This is the opportunity to educate the whole of samoa about its culture change. It is possible that the government can sponsor an educational seminar on behalf of the professor to salvage the image of the old Faasamoa. Wake up Samoa and smell whats cooking? You are becoming modernize and feel so sorry for the people of lower rankings or the real au tautua with the daily struggle to honor their matais. There are many matais in one family nowadays. In the old days about two to three generation ago, there was only one. It is sadly becoming a infestations of matais. Even 10 year olds are matais and foreigners receiving major titles and don't have a clue of the faasamoa. Something is definately wrong in this picture. We are supposed to be proud of the faasamoa but now, confusion in the land au-Fiaola.

Please university authority sponsor a programme to educate the plight of our people. Aga leai gei sese ua leva oga miliogea tagata samoa.

Respectfully to only make noises without proposing a legislation like the Land Bill and the current Waterways Bill fall short from even being worthy commentaries. We all know theres been always a gap between what we say in lecturer rooms and the real life situation at ground level.

So what is needed is for the internal affairs unit of our Womens Ministry to prepare another bill roll it thru the relevant authorities up to CEO Luagalau Foisaga Shon to take it up with Hon Minister Fiame Mataafa surely to be table in cabinet with non other than our beloved PM Tuilaepa S Malielegaoi to endorse then surely no one strikes like the Right Hand Drive because Mr ACEO Maulolo Tavita Amosa has the heart to draft and propose a bill on top of those other ones proposed thus far.

Like it or not its inevitable "ua sui faiga ua maluelue foi faavae" Faia ma le faaaloalo tele lava.

yeah, you should write a book pertaining to this subject. ua ova ga abuse e makai i isi kaimi gai kagaka.

Ole faavae ole fale malosi e tatau ona fausia i luga o le papa pei ole felalaiga a Iesu. O le alofa e faavae ai le galuega a se matai alofa o se aiga. A leai le alofa ua le aoga le taitaiga a lea matai. O le alofa lea na alai ona talia gofie le talalelei i Samoa. O le pulega a matai e maopopo ai nuu ma ekalesia aemaise le faamalumaluga o aiga. O Samoa e faavae ile Atua o matai la e tatau ona manatua lona faavae i aso uma o lona ola ina ia sui ai faiga ae le suia faavae. Ia aua foi nei maluelue faavae a ia mausali ae a le lumanai mo Samoa ma ona tagata

Nu'unu'u atu ia fa'atini o tausala outou paia ma mamalu satua fafafa, le mamalu i ao o faalupega, o tupu ma e'e, le au fue loloa, o faletua ma tausi, aualuma ma aumaga ua mafai ona fesoota'i i luga o nei auala o le talutalu fou. O ou paia le popo Samoa e le autaluina e se vave. Ou te faatulou fo'i i le mamalu o le Komiti ua auala mai ai se tofa aua se toe fafagu i tulaga o si o tatou aganu'u aua se manuia o Samoa, aemaise foi le mamalu o le aufaigaluega a le Samoalive. Ina ne'i lape se lagona pe sala fo'i le gagana, ia e matua atu iina, Samoa o oe o le matua faitama, a'o le lagona moni o se faasoa faivavale aua se manuia o tupulaga lalovaoa o le atunuu nei ma a taeao. Ae tuu atu pea i luma mea, ae le fai a'i.

Ona o le tatou aganu'u e tulaga ese i le lalolagi, o le ala lea e lagona ai le faamaulalo i le Atua, ina ua fai Samoa mo tatou tofi. O lo tatou tofi lava lea mai i le Atua. Fai mai le tagata Toga o le Mataupu silisili e suafa ia Havea, na soifua loa Iesu i Peteleema, o le taimi fo'i lea na soifua ai o Ia i isi aganu'u. Afai na vavalo le tama'ita'i e fa'atali i lagi se manuia, o le faailoga lea sa i ai lava le Atua ia Samoa mai i anamua. Ona o'o mai lea o Misionare e tau fa'ailoa mai le Atua lea. A'o le matagofie o le Atua o lo'o fa'avae ai i luga si a tatou aganu'u. i tulaga fa'aaloalo (hospitality and respect). O ina e tulaga ese ai Samoa. O tulaga ia e faamemelo i ai Samoa i lana aganu'u. E le ona o so tatou amio ua tonu poo ni galuega ua fai, ao le Atua ua alofa fua mai ia Samoa ma foa'i mai e fai mo tatou tofi. Po'o fea la e alu i ai le Samoa, ia ona manatua mea alofa ia a le Atua.

Ou te popole fo'i ina ne'i sola le taua lea o la tatou aganu'u, ona tutusa lava lea o Samoa ma isi atunu'u o le lalolagi. Ae ao ona silasila toto'a, pe fa'apefea ona fa'aauau le mamalu lea o la tatou aganuu. Ou te auai i le finagalo o le komiti, ae, e i ai fo'i tulaga e popole i ai ona o le tautua fa'a Samoa moni, o lo'o afifi ai le loloto o le tautua fa'a kerisiano. Le loloto lea e faigata i e ua a'oa'oina
(educated minds but not all of them) ona talia, aua fo'i e manatu o tulaga ia o lo'o aafia ai le soifuaga (socio-economic issues) o si o tatou atunu'u.

I le tulaga o le le tatau ona i ai ni suiga o le aganu'u. O itu lelei o le finagalo lea, e pei ona saunoa i ai le susuga ia Maulolo: o le tulaga faaaloalo. Ia fa'asafua le manupalagi po'o le manufata e ta'i ai sua a malo fa'aaloalogia. O se tulaga lelei lea i le mea ua mafai ona fa'atinoina e se aiga. O si o'u manatu, aisea e tausini ai e ave le pusa pisupo atoa, ae le tatala le pusa ae ave le pisupo tolu pauna a le matai poo le faifeau? Se'i vagana le faifeau sa feagai ma se galuega (fa'aipoipoga po'o se maliu) e ave sana pusa atoa? Ae manaia fo'i ona fa'ata'ita'i ona ave ni eleni i matai ma faifeau pe a auai i sauniga, a tomumu loa, ia o faifeau ma matai na o lo'o mama ai mea a le atunu'u ma ekalesia. Ia tatau ona talia ma le agaga fa'afetai se mea ua foa'i ma faia i le agaga fa'aaloalo. Talu ai ona e faigata le faiva o pule a'o le faiva fo'i o fa'aaloalo. O le agaga moni, ia moni le agaga e faatino ai le aganu'u, aua o lo'o i ai le agaga fetufaai.

O le mea e ao ona tatau ona fa'atauaina e se aiga po'o so'o se tasi, o fa'amanuiaga e aumai i faifeau ma matai. Manatua le upu a le tusi, e sili le manuia o le foa'i i le na te talia. Ou te tatalo ia silafia e le toatele o tulaga ia. Ia aua, aua, aua, aua ne'i fo'i fua faamanuiaga ia. O faamanuiaga ia e sapi ai se aiga, poo so'o se tasi na te foa'i ma le loto atoa. E ala ona le maua fa'amanuiaga ia, o le fai gutua, o le fai fa'apa'ole le tautua. O le uiga o le foa'i po'o le tautua ma le loto atoa, o le mea ua finagalo le tagata ua mafai ona ia fai, o lana tautua lea, pe itiiti pe tele. Pau a le mea ia tatalo i ai le aiga po'o le ua fai le tautua, ia fai ma le loto lelei. Poo se faifeau, po'o se matai, po so'o se tasi. O faamanuiaga ia ia alu le Samoa ma talitonu i ai. O le mea faigata la lea ona taumafai e taofi. O le agaga foai o le tagata. Afai lava o le mea lea ua finagalo le tagata e foai ma moni le agaga ua faia ai, e leai la se tasi e mafai ona ia faamasinoina le tulaga lea.

O le tulaga fia tetele, ia ona o le agaga lava lea o si o tatou atunu'u. E lelei le fia tetele i mea lelei. O le upu a le tusi, e le ma'umau se ipu vai e avatu, a'o le Samoa, e mana'o e ave le apa vai(metaphorically speaking). Afai la e maua se faamanuiaga i se ipu vai, o le a la le tulaga o faamanuiaga e maua i apa vai e fia ua ave? Oka, Oka, e moni ai le fai salamo, e taumasuasua la'u ipu. O le ala fo'i lea e le fefe ai le Samoa. E le o le le fefe e fai le mea sese, ao le le fefe e finau ai mo mea lelei ma saili malo ai.

Pau o le mea e popole i ai le lagona, ina ne'i le moni le agaga e auai se matai po'o se faifeau i se sauniga. Ina ne'i ta'ita'i faai'a matau e le tu'inanau i tulaga fa'aaloalo ia o le aganu'u le mamalu o le aumau tofi. Ae a moni le agaga o le fia auai, aua e maualuga se aso pe a ta'a faai'a o tainefu se fa'amoemoe. Oka, oka, ou te tautino, i faamanuiaga e maua e sea aiga, e le faamatalaina.

O le uiga o faamanuiaga; O faamanuiaga e le fuaina i tofi po'o tulaga, po'o le a'oa'oina po'o le oa pei ona taua e le afioga ia Le Tagaloa Pita i sana tusitusiga i le Samoa Observer. Silasila ia Amata Taogaga (Siva Afi). O le maualuga i tulaga tau ta'aloga na o'o i ai ma tupe e tele na ia maua, fa'ato'a maua le fa'amalieina ina ua ia talitonu i le Atua. E le o fa'amanuiaga la o le avea ma faifeau, ao le iloa ma talitonu i le Atua. E le faatauagavale fo'i la pe fa'aleaogaina tulaga o tofi ma le a'oa'oina ma le oa. Ao le iloa ma talitonu i le Atua o Le na te fa'aeaina le tagata i so'o se tamaoaiga.

O tulaga e tatau ai ona sui faiga: I atunu'u i fafo ua tala fa'auto i ai le mamalu o si o tatou atunu'u, o le tulaga fo'i ua i ai le moe i nisi o tamali'i ma faleupolu e faatino ai le aganu'u. A malaga mai i Samoa le au mautofi i ni fa'amoemoe, a fai i ai ni fa'aaloaloga, ua fa'atupe lava le tele o fa'aaloaloga. Ia o tulaga lava ia o'o i Samoa faaaloaloga e talamasineia ai le fa'aaloalo maualuga ma le agalelei o aiga.
O lea ua toe fafagu mai e le malo tulaga i measina (ie toga) a si o tatou atunu'u. Ae se manu e aumai i si ietoga ua pei ni falalili'i. Ia o tulaga ia e feluiai i ai le tofa i mea e ao ona fa'alelei ai si a tatou aganu'u.

Samoa e, ia malu ave i fale pe afai ua le logo malie i sau fa'afofoga se fa'asoa a le auauna.

Ia maualuga le aoina o le masina i mauga maualuluga se'i oo lava i mauga iti, i tiute ma faiva feagai ai. Ia manuia Samoa aemaise tupulaga lalovaoa mo a taeao.Ia manuia sailiga malo i le mamalu o si o tatou atunu'u, i atunu'u e fia o lo'o afifio ma alala ai. Ia maua se tofa i le mamalu i le komiti e tusa ma le latou matafaioi. Ia manuia le susuga ia Sioa ma le vaega(mamalu i le aufaigaluega a le Samoalive).
Ma le faaaloalo tele,
Soifua.