by Max Fatupaito

  . I le mae’a o le ta’aloga a le Manu ma Amerika i le malae sa faia ai le ta’aloga na faia ai le ta’amilosaga a tama ta’a’alo fa’ata’amilo i le malae ma fa’atino ai le latou siva tau fa’amavae sa ta’ita’iina e le uigi logologoa ona tala ave i le lalolagi aemaise lava i Europa o Brian Lima.O le ta’aloga mulimuli fa’ava o malo lea a le ali’i o Lima i le mae’a o le sefulufitu tausaga o tautua i le au o le atunu’u. Sa matua fa’alia le agaga tali sapaia ma le loto fa’afetai e tagata Farani o le Manu Samoa i lona fa’atasi atu i le ta’amilosaga o lo’o fa’agasolo pea i le taimi nei.Na faia se feiloaiga fa’amavae a le au ma lana au tapua’i na malaga solo mai i le atu Europa i atunu’u pei o Siamani,Suitena ,Holani ,Italia,Egelani fa’atasi ai ma Ausetalia ,Niu Sila ma Samoa. E ui ina e le’i taulau le fa’amoemoe a le Manu Samoa ae sa fa’alia pea lo latou foliga loto tele ma uiga tausa’afia e pei o le Samoa moni pe’a malolo e malolo fa’a tamali’i. Ua toe taliu nei la le to’atele i kalapu o lo’o konokarate ai i atunu’u esese ae ua na’o le pulega ma nisi o le a feagai ma le musika mai le lautele o tagata o le a tu’i i fesili i le fia iloa po’o se a se tulaga na tupu ua fa’aletonu ai le au. Tusia lenei ripoti i le lagolagosua ale Sina World Travel ma le ImexMoney Transfer.

---